contacto:
ig: ariadnacordal
ariadnacordal (at) gmail (dot) com
Ariadna Cordal é cineasta, montadora e investigadora. Doutorouse pola Universitat Pompeu Fabra cunha tese sobre cine documental español e percepción ecolóxica, que foi financiada por unha axuda FPU (2020/05553) do MICIU. Actualmente está a rematar a súa especialización no Posgrao de Montaxe Audiovisual e Edición de Vídeo da BSM-UPF. Realizou estancias de investigación sobre cine en Eckerd College (Estados Unidos) e Monash University (Australia) financiadas polos programa ISEP e a bolsa FPU do MICIU. Publicou en revistas e editoriais como Fotocinema, Historia y Comunicación Social ou Routledge. Participou en numerosos congresos internacionais (como ECREA ou NECS) e formou parte dos proxectos de investigación MUMOVEP (PID2021-126930OB-I00) e FUCAV (PID2020-116277GA-I00). Actualmente é coordinadora do proxecto LIPSea-M do Laboratorio d’Imatges Potencials da UPF, no que investiga metodoloxías de arte aplicadas á investigación científica sobre a tropicalización do Mediterráneo e os seus efectos nos corais.
O seu perfil creativo destaca por realizar curtometraxes como directora e montadora. Durante o grao universitario realizou pezas experimentais e videoensaios, como They Ponder (2017), que foi seleccionada no Festival Internacional de curtametraxes Curtocircuito. Anos despois, a raíz de desta peza, foi invitada a formar parte de una selección especial centrada en mulleres creadoras neste festival, que levou por título XX:novas creadoras. Tamén participou no obradoiro “Correntes” impartido por Oliver Laxe e organizado polo Festival Novos Cinemas. A súa primeira curta de ficción, Papá, por que quitas a música? (2019), foi selección oficial no Festival de Cans. Seguindo a liña da ficción, foi montadora e axudante de dirección de Onde dormen as gaviotas (Dani Cornes, 2020), que tamén tivo percorrido por moitos festivais de Galicia e o estado español. Despois co-dirixiu xunto a Dani Cornes a súa segunda curta de ficción, Auria, última noite (2020), que foi seleccionado, entre outros, no Ourense Film Festival e levou o premio Fasmuvis. Tamén colaborou na dirección de fotografía da curta O niño dos paxaros (Lucía Estévez, 2020). O último proxecto que realizou cómo directora é O patio (2024), que foi estreado na sección Planeta GZ de Curtocircuito.